July 2008

.

Landbank-Laguna, popondohan ang malunggay sa pamamagitan ng CLAP

Ni ANGELICA G. CARBALLO

SA kauna-unahang pagkakataon ay pinondohan ng Landbank-Laguna ang pagtatanim ng malunggay sa inisyatiba ng Cooperative Livelihood Assistance Program o CLAP.

Kamakailan ay inilunsad ang kauna-unahang malunggay nursery sa bayan ng Magdalena na pinuhunanan ng Landbank-Laguna, ang “Miracle Malunggay: Kikita Ka Na, Lulusog Ka Pa,” isang proyekto ng Enterprise and Sustainable Livelihood Multi-purpose Cooperative (ESLMPC).

Ayon kay Dolly Libunao ng Development Assistance Center Area 4B ng Landbank Laguna, ang proyektong ito ng ESLMPC ang unang programang nakatuon sa pagtatanim ng malunggay na pinondohan sa pamamagitan ng pagpapautang ng Landbank.

Ayon pa kay Libunao, mayroong mga pag-aaral ang head office ng Landbank partikular sa malunggay. Bukod dito, pinag-aaralan din ng Landbank ang iba pang programa gaya ng Development Advocacy Program na maaring pagkuhanan ng pondo sa mga programang pangkabuhayan.

“Kung ang isang kooperatiba ay hindi makapasa sa regular lending program ng Landbank, mayroon pang advocacy program kung saan kailangan lamang na magkaroon ng marketing program ang income generating project, para sigurado ang pagbalik ng pera,” dagdag pa ni Libunao.

Sa pakikipagpanayan naman ng BIONet kay Wilmer Lebria, chairman ng ESLMPC, sinabi nyang nais ng ESLMPC na ipakalat ang pagtatanim ng malunggay dahil sa sustansya at nutrisyong nakukuha dito at pati na rin upang tulungan ang mga miyembro nito na kumita sa pagtatanim ng miracle gulay.

Ang proyektong ito ay inilunsad upang ituro sa mga mamamayan ng Laguna ang kahalagahan ng malunggay. “Gusto kong imulat ang Sangguniang Kabataan, ang mga local government units (LGUs) na mag-engage sa livelihood na hindi lang basta kikita kundi lulusog pa.” ani pa ni Lebria.

Sa ngayon, ang ESLMPC ay kinontrata na upang magtanim ng malunggay sa 60 hektaryang lupa sa Laguna, bukod pa ang 40 hektarya sa Sta. Maria, 8 hektarya sa Mahayhay, 3 hektarya sa Pila, 2 hektarya sa Sta. Cruz, at iba pa. Bukod dito ay nakatakda ring bilhin ng Secura International ang mga malunggay na aanihin ng nasabing nursery.

Kasama sa mga dumalo sa programa si Dennis Lazaro, provincial administrator ng lalawigan ng Laguna, mga baranggay officials ng Magdalena, Sangguniang Kabataan (SK), kababaihan, Department of Education, mga magsasaka, health and nutrition scholars, at mga mamamayan ng Laguna.

Back to top

P2-M sa pagtatanim ng malunggay sa Tarla pamamahalaan ng BIONet

Abaca pinalalakas sa Caraga

Pamamaraan sa pagpupunla ng malunggay

Nangungunang pagkain, pinagkakakitaan din sa Ilocos

Landbank-Laguna, popondohan ang malunggay sa pamamagitan ng CLAP

Editorial

Panahon na

Columns

Dr. Gaudencio C. Petalcorin, Jr.

Alicia Ilaga

Nanet Tanyag

Directory

Archives

September 2007

October 2007
November 2007

December 2007
January 2008
February 2008
March 2008
April 2008
May 2008
June 2008

Membership Form