January 2008

.

Hamon ng ating panahon

PaNgunahing layunin ng pamahalaan ay mabawasan ang kahirapan lalung-lalo na sa kanayunan. Ito ang suliraning nagsilbing hamon sa mga nakalipas ng administrasyon.  Ngunit sa paglipas ng panahon at sa pagdami ng kaalaman at karanasan kung paano mabibigyan ng angkop na solusyon ang nasabing suliranin, masasabing marami na ring makabago at angkop na pamamaraan ang ginagamit sa kasalukuyan.

Sa Pilipinas, ang pagsasaka ang tampok na pinanggagalingan ng kabuha yan ng nakararami, kaya’t ang pagsulong ng biotechnology ay kaaya-ayang hakbang upang mapadali ang pag-unlad ng kanayunan.

Ang biotechnology ay may maitutulong sa pagpapalaki ng kinikita ng mga magsasaka, pagkakaroon ng hanapbuhay sa maraming lugar, at pagbabago ng kalidad ng buhay ng marami nating kababayan.

Bagama’t madaling sabihin ang mga tunay na layunin ng biotechnology, lubos na mahirap matupad ang mga ito. Kaya nga sari-saring pamamaraan at estratehiya na subok na epektibo ang ginagamit upang ang mga layuning iwinawagayway ng biotechnology ay matupad. At isa na rito ang tinatawag na networking.

Ang networking ay walang pinagkaiba  sa nakilalang pamamaraan ng malalaking negosyo upang sila ay makakuha hindi lamang ng maraming kasapi kundi ng marami ring kita at pondo. Sa pamamagitan ng mga networks, napapabilis ang katuparan ng mga hangarin ng mga negosyo. Kaya ngayon ang isang maliit na negosyo ay madaling lumaki at umunlad.

Sa usaping biotechonology, ang pagkakatatag ng BIONet o Biotechnology Information and Organization networks ay isang pamamaraan upang mabilis na naipakalat ang mabuting balita tungkol sa biotechnology sa buong bansa lalung-lalo na sa mga kanayunan. Sa pagkakabuo ng mga BIONet sa iba’t-ibang sulok ng ating bayan, mabilis na matutupad ang mga layunin ng biotechnology. Hindi lamang simpleng pagpaparami ng mga kasapi at mabilis na pagdaloy ng mga impormasyon ang adhikain ng bionet kung; higit sa lahat, nais din nitong mapataas ng antas ng kabuhayan ng ating mga kababayan. Sa pamamagitan ng mga BIONet na binubuo ng lahat ng sektor hindi lamang pagsasaka kundi pati na ang simbahan, negosyo, kababaihan, akademiya at iba pa, madaling lampasan ang mga balakid na pipigil sa mabilis na pag-unlad ng ating kanayunan.

Papaano maaabot ito ng mga BIONet? Ang sagot ay ang pagtatag ng  BIOCommerce sa mga piling lugar.

Ano ang BIOCommerce? Ang BIOCommerce ay ang simpleng pagkakaroon ng supply at demand. Ang supply ay ang resulta ng produksyon pagsasaka at ang demand ay pangangailangan sa anumang uri ng resulta ng produksyon na bunsod ng biotechnology. At susi sa nasabing supply at demand ng biotech products ay BIOCommerce. At dahil sa may supply at demand, may nabubuong market na paghaharian ng BIOCOmmerce.

 Sa unang tingin, lubhang napakadali ang usapin ng BIOCommerce. Ngunit sa totoong buhay, ito ay isang kumplikadong gawain dahil kung walang sapat na produksyon at walang malaking pangangailangan sa mga produkto ay walang mabubuong komersyo. Sa kadahilanang ito, malaki ang papel ng mga BIONet. Ang mga BIONet ang maghihikayat ng malawakang pagtatanim ng malungay, papaya, abaka, niyog, at iba pang pananim na malalaki ang demand hindi lamang dito sa atin kundi sa buong mundo. Ang mga BIONet din ang magkakapit-kamay upang may kasiguraduhan ang pagbebenta ng mga produkto. At ang mga  BIONet din ang magbibigay ng proteksyon sa presyo ng mga kalakal sa mga bibili. Sa ganitong sitwasyon ang BIONet at BIOCommerce ay maihahantulad sa mag-asawa – hindi pwedeng wala ang isa.

Kaya nga sa usaping ito, ang papel ng mga BIONet ay napakahalaga. Ang BIONet ang magsisilbing engine o makina ng BIOCommerce. Kaya upang maging tuluy-tuloy ang BIOCommerce, kinaka-ilangan ang malakas at matatag na BIONet.

Sa kabilang dako, kung walang biocommerce hindi naman mabubuhay o mananatili ang BIONet sapagkat ang BIOCommerce naman ang buhay ng BIONet.

Sa mga nakaraang buwan, nasubaybayan nating ang paglago ng BIONet sa buong bansa mula sa Isabela hanggang kabisyaan at kamindanawan. Kung papaano ito pinapalakas sa pamamagitan ng sarili nitong konseho at mga proyektong nakaabang at kung papaano ito pinalalawak sa tuloy-tuloy na pagdami nito ay nagsilbing hamon sa lahat ng mga kasapi at katuwang ng programa. Ngayon naman, ang usaping BIOCommerce ang panibagong hamon sa lahat upang sa malapit na bukas as biotechnology nga ang kasagutan sa kasalukuyang mga problema ng kanayunan.

Si Nanet Tanyag ang Deputy Executive Director ng Biotechnology for Life Media and Advocacy Resource Center.

Back to top

Potensiyal ng mais pinalakas ng makabagong teknolohiya

Malunggay hudyat ng pagsulong ng pagsasaka sa siyudad

Pagpapaganda, bagong larangan ng biotechnology

Malunggay, maaaring pagkunan ng biofuel

Editorial

Agham tungo sa kasaganaan

Columns

Dr. Gaudencio C. Petalcorin, Jr.

Alicia Ilaga

Nanet Tanyag

Directory

Archives

September 2007
October 2007
November 2007

December 2007